Milli komandaların canlı FİFA reytinqində yerdəyişmələr olub.
İdman.biz xəbər verir ki, Azərbaycan yığmasının da mövqeyi dəyişib.
Buna Albaniya və Qazaxıstanla Macarıstanda keçirilən yoldaşlıq oyunla səbəb olub. Öncə 1:3 hesabı ilə uduzan milli ikinci matçında qalib gəlib – 3:2.
Fernandu Santuşun təyinatına qədər Arif Əsədovun yığmaya başçılıq etdiyi bu iki qarşılaşmadan sonra komandamızın əmsalı 1179,88-ə yüksəlib. Millimiz onlayn sıralamada 111-cidirr.
Son FİFA reytinqində 1177,83 xalla 112-ci olan Azərbaycan millisi Albaniya ilə görüşdə uduzduqdan sonra 2 pillə geriləmişdi. Qazaxıstan üzərində qələbə 3 addımlıq irəliləyişə səbəb olub. İki oyunun yekununda yığmamız bir pillə önə keçib.
Qeyd edək ki, FİFA-nın reytinq siyahısı iyunun 20-də açıqlanacaq.
İdman.biz