Sport24.az
"Millimizi bu gün Fransa, 3 gün sonra isə Ukrayna ilə çox ağır oyun gözləyir. Fransızların gücü hamıya bəllidir". Bu sözləri Sport24.az-a açıqlamasında Samir Əliyev deyib.
U-21 yığmamızın sabiq baş məşqçisi DÇ-2026-nın seçmə mərhələsində bu gün baş tutacaq Azərbaycan - Fransa matçı ilə bağlı fikirlərini bölüşüb:
"Rəqib dünya futbolunun hegemonlarından biridir. Son dünya çempionatının finalçısıdır. Heyətində ulduz futbolçular var. 3 gün sonra isə Ukrayna ilə oyun var. Qrupda vəziyyətləri yaxşı deyil. Millimizlə Bakıdakı oyunda xal itiriblər. Bu matça ikiqat motivasiya ilə yanaşacaqlar. Bakıdakı oyunun nəticəsinin təsadüfi olduğunu sübut eləmək istəyəcəklər. Bu iki matçdan xal qazanmaq ehtimalınız çox azdır, demək olar ki, yoxdur. Amma futbolda mümkünsüz heç nə yoxdur. Ən azından yığmamız layiqli mübarizə aparacaq".
Qeyd edək ki, Fransa - Azərbaycan oyunu bu gün saat 22:45-də başlayacaq.
