Idman.biz
Misli Premyer Liqasının 29-cu turunda "Şamaxı" ilə "Kəpəz" arasında keçirilən oyun meydan sahiblərinin 2:0 hesablı qələbəsi ilə başa çatdı.
İdman.Biz xəbər verir ki, 68-ci dəqiqədə Rikardo Apolinarionun və 75-ci dəqiqədə Andrey Tirkoveanunun qolları "Şamaxı"ya qələbə qazandırıb.
Bu nəticə ilə "Şamaxı"xal ehtiyatını 35-ə çatdıraraq səkkizinci pillədəki mövqeyini qoruyub. "Kəpəz" isə 21 xalla onuncudur.
17:33
Andrey Tirkoveanu 75-ci dəqiqədə hesabı 2:0 edir.
17:25
"Şamaxı"nın futbolçusu Rikardo Apolinario 68-ci dəqiqədə oyunda hesabı açır.
16:50
Misli Premyer Liqasının 29-cu turunda "Şamaxı" ilə "Kəpəz" arasında keçirilən oyunda ilk hissə başa çatıb.
İdman.Biz xəbər verir ki, komandalar fasiləyə 0:0 hesabı ilə yollanıb.
Hər iki tərəfin cəhdlərinə baxmayaraq, ilk hissədə qol vurulmayıb.
16:00
Misli Premyer Liqasının 29-cu turu çərçivəsində "Şamaxı" ilə "Kəpəz" arasında oyun keçirilir.
İdman.Biz xəbər verir ki, qarşılaşma aprelin 26-da Şamaxı şəhər stadionunda start götürüb.
Görüşü Rəşad Əhmədovun başçılıq etdiyi hakimlər briqadası idarə edir.
09:13
Bu gün Misli Premyer Liqasının 29-cu turunda iki oyun keçiriləcək. İlk oyununda "Şamaxı" "Kəpəz"i qəbul edəcək.
İdman.Biz xəbər verir ki, saat 16:00-da start götürəcək qarşılaşma Şamaxı şəhər stadionunda keçiriləcək.
Turnir cədvəlində "Şamaxı" 32 xalla səkkizinci, "Kəpəz" isə 21 xalla onuncu pillədə qərarlaşıb.
Misli Premyer Liqası
Üçüncü dövrə, 29-cu tur
26 aprel
16:00. "Şamaxı" – "Kəpəz"
Hakimlər: Rəşad Əhmədov, Zeynal Zeynalov, Gülnurə Əkbərzadə, Kamran Əliyev
VAR: Emin Əliyev
AVAR: İnqilab Məmmədov
Hakim-inspektor: Ramil Diniyev
AFFA nümayəndəsi: Rüfət Əmirov
Şamaxı şəhər stadionu.
