Sport24.az
"Kəpəz"lə icarə müqaviləm başa çatıb. Rəsmi olaraq "Sabah"a məxsusam. Onlarla daha 1 illik anlaşmam var. Ona görə də Masazır təmsilçisinin sıralarına qoşulacam". Bu sözləri Sport24.az-a açıqlamasında Şakir Seyidov deyib.
23 yaşlı yarımmüdafiəçi gələcək planları ilə bağlı da danışıb: "Hələ ki, "Sabah"ın düşərgəsinə qoşulacam və böyük ehtimalla, toplanışı da onlarla keçəcəm. Yenidən hansısa kluba icarəyə veriləcəyimi, yoxsa Masazır təmsilçisində qalacağımı deyə bilmərəm. Buna xorvatiyalı baş məşqçi qərar verəcək. Mənim üzərimə düşən təlim-məşq prossesində üzərimdə maksimum çalışıb növbəti "futbol ili"nə özümü hazırlamaqdı".
Qeyd edək ki, Seyidov Premyer Liqanın son mövsümündə "sarı-göylər"in heyətində ümumilikdə 30 oyuna çıxıb və 1 qol, 1 məhsuldar ötürmə ilə yadda qalıb.
ABDULLA İSMAYILOĞLU
