Sport24.az
Şahin Diniyevin "Səbail"dəki taleyinə aydınlıq gəlib. Sport24.az-ın əldə etdiyi məlumata görə, 57 yaşlı mütəxəssis növbəti mövsümdə də "dənizçilər"in "sükanı arxasında" olacaq.
Bu gün keçiriləcəyi klubdaxili iclasda bu barədə qərar veriləcək.
O da məlumdu ki, başa çatan mövsümlə müqayisədə 2024/25 "futbol ili"ndə paytaxt təmsilçisinin büdcəsində azalma olacaq. Klubun sponsoru olan "Azərbaycan Xəzər Dəniz Gəmiçiliyi" QSC-nin (ASCO) İdarə Heyətinin sədri Rauf Vəliyevlə baş məşqçi arasında bu mövzuda söhbət olub. Vəliyev AFFA-nın ayıracağı məbləğə yalnız bir milyon manat əlavə edə biləcəyini bildirib.
Qeyd edək ki, "Səbail" geridə qalan mövsümü 7-ci pillədə başa vurub.
