Sport24.az
"Sabah" klubu cari mövsüm Misli Premyer Liqasında vurduğu qolların sayını 40-a çatdırıb. Sport24.az xəbər verir ki, "bayquşlar" bunu Misli Premyer Liqasının 19-cu turunda bacarıb.
Bakı klubunun "Araz-Naxçıvan"ı 4:1 hesabı ilə məğlub etdiyi matçdakı sonuncu qolu yubileylə əlamətdar olub. 88-ci dəqiqədə fərqlənən Xəyal Əliyev 40-cı topun müəllifidir.
"Sabah" ötən mövsüm çempionatda cəmi 50 qola imza atmışdı. Komanda 48 xalla mövsümü beşinci pillədə başa vurmuşdu və 40-cı topa yalnız 30-cu turda çata bilmişdi.
Qeyd edək ki, "Sabah" 19 oyundan sonra 46 xalla vahid liderdir. 40 qol vuran bakılılar qapısında cəmi 12 qol görüb.
