Idman.biz
"Sabah"ın U-13 və U-15 komandalarının iştirak etdiyi, Türkiyənin Antalya şəhərində keçirilən "Junior World Cup" beynəlxalq futbol turnirinə yekun vurulub.
İdman.biz xəbər verir ki, U-13 "Konyaspor"a 3:1, "Hatay Altın Gençlik"ə isə 11:0 hesabıyla qalib gələrək qrup mərhələsini 2-ci sırada başa vurub.
"Konyaspor"la oyunda "Sabah"ın qollarına Yusif Ağayev, Əli Hüseynli və İbrahim Sədiyev imza atıblar. "Hatay Altın Gençlik" komandası ilə qarşılaşmada isə Yusif Ağayev (5), Cəlal Məmmədli (3), Hüseyn Musayev, Çingiz Müslümov və Eltun Məmmədov fərqləniblər. Nasir Nəsirlinin çalışdırdığı komanda 9-cu yer uğrunda matçlarda Türkiyənin "Kadriyespor" komandasını 9:0, Belarusun "Energetik" komandasını 3:0, Türkiyənin "Özerspor" komandasını isə 1:0 hesabıyla məğlub edib. "Kadriyespor"la oyunda təmsilçimizin qollarına Yusif Ağayev (3), Cəlal Məmmədli, Elman Tahirov, Çingiz Müslümov, Amal Şıxkərimzadə, Hüseyn Musayev və Əli Hüseynli imza atıblar. "Energetik"lə matçda "Sabah"dan Yusif Ağayev, Hüseyn Musayev və Ayxan Hüseynov fərqləniblər. "Özerspor"la görüşdə isə Yusif Ağayev "Sabah"ın yeganə qolunu vurub. "Sabah" turniri 36 komanda arasında 9-cu pillədə başa vurub.
U-15 isə "Konyaaltı" komandasını 2:1, "Manisa" komandasını isə 7:0 hesabıyla məğlub edərək qrup mərhələsini lider kimi başa vurub.
"Konyaaltı" ilə matçda "Sabah"ın qollarına Rəvan Məmmədov və Ayxan İbadov imza atıblar. "Manisa" ilə matçda isə Firdovsi Şeydayev (2), Ayxan İbadov (2), Xəzər Hüseynzadə (2) və Rəvan Məmmədov fərqləniblər. Şahin Zeynalovun baş məşqçisi olduğu komanda 1/4 final mərhələsində İngiltərənin "Fulhem" komandasına 0:2 hesabıyla uduzub. "Sabah" 5-8-ci yerlər uğrunda mübarizədə Qazaxıstanın OİNA komandasına 6:0 hesabıyla qalib gəlib. Ruslan Əbilov, Rəvan Məmmədov (2), Çingiz Məmmədov (2) və Nizami Nəbiyev təmsilçimizin qollarına imza atıblar.
Türkiyənin "Samsunspor" komandası ilə matçda 1:1 hesablı heç-heçə edən "Sabah", oyun sonrası penaltilər seriyasında 6-7 hesabıyla məğlub olub. Bu matçda "Sabah"ın yeganə qolunu Firdovsi Şeydayev vurub. Təmsilçimizin U-15 komandası turniri 24 iştirakçı arasında 6-cı pillədə bitirib.
İdman.biz
