Qazaxıstan üzərimdə oyunda iştirak etmədi. Ancaq gənc qapıçımızı hər kəs iş başında görməyi arzulayırdı. Söhbət Rza Cəfərovdan gedir. Son mövsümdə "Neftçi"də özünə yer edən əlcək sahibi millimizin 3:2 hesablı qələbəsindən sonra Sport24.az-ın əməkdaşının suallarını cavablandırdı.
- Rza əlbəttə qələbə şirindi. Nə qədər gənc olsan da, ehtiyat oyunçular skamyasından oyunları izləmək necədi?
- Ehtiyatda olsam da ürəyim komandayla idi. Əsas odur ki, qələbə qazandıq. Məşqçilərin qərarına da hörmət edirəm.
- Bizdə olan məlumata görə, xırda zədən var, ona görə Albaniya ilə oyunda səni meydana buraxmağa ehtiyat etdilər...
- Bəli, bir qədər ayağımda ağrılar vardı. Amma qazaxlarla oyuna tam hazır idim.
- Çempionatın son turunda "Sabah"la vacib oyunu da zədəyə görə buraxdın?
- "Səbail" ilə oyunu zədəyə görə kənarda qaldım. "Sabah"la matçda isə zədəmi sağaltmışdım. Sadəcə, baş məşqçi fərqli qərar verdi.
- "Neftçi" bu il çox uğursuz çıxış etdi. Bu sənə necə təsir etdi? Komandadan getməyi düşünmürsən?
- Azərbaycanlı futbolçular istəyər ki, ən pik oyunlarını "Neftçi"də keçirsin. Şadam ki, tarixi ənənəsi olan "ağ-qaralar"ın "çərçivəsini" qoruyuram. Burda yaxşı oyunlarımı da keçirmişəm. Amma sona yaxın uğursuz çıxışımıza görə məyusam. Konfrans Liqasına gedib daha yaxşı çıxış edib, özümü göstərmək istəyirdim.
- Azərbaycan idman ictimaiyyəti "çərçivədə" yerli qapıçı görmək istəyir. Səndən gözləntilər və sənə güvənənlər çoxdu.Buna münasibət necədi?
- Mən də vaxtımı gözləyirəm. Üzərimdə maksimum çalışıram ki, daha da yaxşı olum.
- Rza nə vaxt yığmada əvəzolunmaz "1 nömrə" kimi olacaq?
- Özümü ən yaxşı tərəfdən göstəmək və yoldaşlıq oyunlarında maksimum şans qazanmağı hədəfləyirəm. Üzərimdə çox işləyib buna nail olmağa çalışacam.
CEYHUN ƏLİYEV