Lent.az
Kriştiano Ronaldonun karyerasındakı qol sayı 961-ə endirilib. Çünki onun bəzi yarışlardakı qolları silinib və bu da onun 1000-ci qola çatmaq hədəfini sual altına qoyub.
Lent.az-ın xarici mediaya istinadən xəbərinə görə, Kriştiano Ronaldonun karyerasındakı qol sayı yenidən hesablanıb. Bəzi turnirlərin rəsmi olaraq tanınmaması ulduz futbolçunun ümumi qol sayının azalmasına səbəb olub.
Sofascore və Transfermarkt məlumatlarına görə, Ronaldonun karyerasındakı bəzi qolları ləğv edilib. Bu yeniləmə ilə portuqaliyalı ulduzun qol sayı 961-ə düşüb.
Əvvəllər 1000 qola yaxın olan Ronaldo, son yeniləmədən sonra bu mərhələdən daha uzaqlaşıb. 41 yaşlı futbolçu hədəfə çatmaq üçün daha çox qol vurmalıdır.
Ronaldonun 2023-cü il Səudiyyə Ərəbistanı Kubokundakı qollarının rəsmi statistikaya daxil edilmədiyi, çünki turnirin yoldaşlıq oyunu hesab edildiyi bildirilib. FİFA-nın turniri tanımasına baxmayaraq, bu qərar diqqətəlayiqdir.
