Braziliya millisinin keçmiş hücumçusu Ronaldinyo peşəkar karyerasını bitirdikdən illər sonra futbol meydançasına qayıtmasının səbəbini açıqlayıb. Sport24.az xəbər verir ki, 46 yaşlı futbolçu bu barədə "Football Italia" nəşrinə açıqlama verib:
"Bütün bunlar "Ravenna"nın prezidenti İnyatsio Çipriani ilə dostluğum və gələcəyə dair planlarımızla bağlıdır. Həyatımda xüsusi, bənzərsiz bir an yaşamaq istəyirəm. Ümid edirəm ki, digər oyunçular üçün də bu gün xüsusi bir gün olacaq.
Karyeramı bitirdikdən sonra geriyə boylananda anladım ki, arzuladığım hər şeyi qazanmışam. İndi yenidən futbol oynamaq şansım var və bundan həqiqətən zövq alıram. Üstəlik, azarkeşlərə gözəl bir gün bəxş etmək istəyirəm. Bu yeni macəraya böyük məmnuniyyətlə başlayıram".
Qeyd edək ki, braziliyalı futbolçu ötən gün "Ravenna"nın heyətində, C Seriyasında "Forli"yə qarşı keçiriləcək oyunda debüt edib.