Idman.biz
İtaliyanın "Roma" və "Fiorentina" futbol klublarının azarkeşləri mövsümün qalan hissəsində stadionlardan kənarlaşdırıla bilər.
İdman.Biz xəbər verir ki, bu barədə İtaliya mətbuatı məlumat yayıb.
Hadisə Bolonyaya səfər edən "Fiorentina" fanatlarının Kazalekko-di-Reno komunnası yaxınlığında əks istiqamətdə hərəkət edən "Roma" tərəfdarları ilə qarşılaşması zamanı baş verib.
Qısa müddətdə vəziyyət nəzarətdən çıxıb və təxminən 200 fanatın iştirakı ilə ciddi iğtişaş yaşanıb. Asayişi bərpa etmək üçün polis insidentə müdaxilə etməyə məcbur olub.
Hazırda səlahiyyətli qurumlar sanksiyalarla bağlı iclaslara hazırlaşır və variantlardan biri hər iki klubun azarkeşləri üçün səfər oyunlarına tam qadağanın tətbiqidir.
İtaliya A Seriyasının rəhbəri Ezio Maria Simonelli zorakılığı kəskin şəkildə pisləyərək, ictimai təhlükəsizliyi təhdid edən bu cür halların İtaliya futbolunda yolverilməz olduğunu vurğulayıb.
