Sport24.az
"Fransisko Konseysao qələbə qazanmağın ən yaxşı nümunəsidir". Sport24.az UEFA-nın mətbuat xidmətinə istinadən xəbər verir ki, bunu Portuqaliya millisinin baş məşqçisi Roberto Martinez Almaniyada təşkil olunan Avropa çempionatının final mərhələsinin I turu çərçivəsində qarşılaşdıqları Çexiya komandası ilə oyun haqda danışarkən deyib:
Mütəxəssis 90+2-ci dəqiqədə Portuqaliya yığmasının qələbə qolunu vuran Fransisko Konseysao haqda müsbət fikirlər səsləndirib: "Bu gün bizim üçün çətin oyun oldu. Ancaq qələbə qazanmağa layiq idik. Fransisko yığmaya kömək etməyə hazır olduğunu göstərdi. Çox yetkin oyunçudur və hər an təhlükə yaratmağa qadirdir. O, klubu üçün son aylarda etdiklərini milli üçün də həyata keçirir. Xarakterini və dəyərini göstərdi".
Qeyd edək ki, Portuqaliya - Çexiya matçı birincilərin 2:1 hesablı qələbəsi ilə yekunlaşıb.
