Sport24.az
Portuqaliya millisinin baş məşqçisi Roberto Martines DÇ-2026-dan sonra postundan gedəcək. Sport24.az xəbər verir ki, bu barədə "Marca" məlumat yayıb.
İspaniyalı mütəxəssisin müqaviləsi iyulun sonunda bitir və o, dünya çempionatındakı nəticədən asılı olmayaraq müqaviləni yeniləməyəcək. Martines İngiltərəyə qayıtmağı düşünür. Digər Avropa klublarından və ya başqa bir millidən gələcək təklifi də gözdən keçirməyə hazırdır.
52 yaşlı mütəxəssis 2023-cü ilin yanvarından Portuqaliyanı çalışdırır. Komanda onun rəhbərliyi altında 2025-ci ildə Millətlər Liqasının qalibi olub.
Qeyd edək ki, Portuqaliya DÇ-2026-da ilk oyununu iyunun 17-də Konqo Demokratik Respublikasına qarşı keçirəcək. Martinesin komandası daha sonra Özbəkistan (23 iyun) və Kolumbiya (28 iyun) ilə üz- üzə gələcək.
