Idman.biz
Bu il liqa daha rəqabətlidir.
İdman.biz bildirir ki, bi sözləri "Zirə" klubunun baş məşqçisi Rəşad Sadıqov Misli Premyer Liqasının "Qarabağ"la 1:1 bitən oyunundan sonrakı mətbuat konfransında deyib.
"Hələ 4-cü turdur. Tək "Qarabağ" yox, "Sabah", "Neftçi", "Araz-Naxçıvan", "Turan Tovuz"u nəzərə alsaq, hər komanda çempion olmaq istəyər. Bu il liqa daha rəqabətlidir. Hamı çempion olmaq istəyər. "Sumqayıt" bu mövsüm necə oyun göstərir. Rahatlıqla avrokuboklardan kənar qala bilərsən", - Sadıqov deyib.
Oyuna gəldikdə isə, baş məşqçi çox sürətli, dinamik, keyfiyyətli oyunun şahidi olduqlarını bildirib: "Qarabağ"la keçirdiyimiz maraqlı matçlardan biri idi. Hər iki komanda çox istəkli idi. Ona görə son saniyələrə qədər emosional oyun izlədik. Qarşılaşmanın gedişatına görə qələbə qazanmaq fürsəti yaranmışdı. Çalışdıq, istədik. Təəssüf ki, qol buraxdıq. Bizim üçün yaxşı nəticədir. "Qarabağ"dan alınan hər xal dəyərlidir".
İdman.biz
