Idman.biz
"Bizi Şamaxıda necə bir qarşılaşmanın gözlədiyini bilirdik".
İdman.Biz xəbər verir ki, bunu "Zirə"nin baş məşqçisi Rəşad Sadıqov Misli Premyer Liqasının X turunda "Karvan-Yevlax"a qarşı keçirilən oyundan sonra mətbuat konfransında deyib.
Baş məşqçi matç barədə bunları deyib: "Azərbaycan çempionatında heç bir oyunda rahat qələbə qazanmaq olmur. "Karvan-Yevlax" çətin rəqiblərindən biri idi. Bizi Şamaxıda necə bir qarşılaşmanın gözlədiyini bilirdik. Birinci hissəni yüksək səviyyədə keçirdik. Lakin rəqib komandanın qapıçısı çox yaxşı qurtarışlarla yadda qaldı. İlk yarıda qapımıza gələn bir zərbə qolla nəticələndi.
Fasilədə futbolçulara bildirdim ki, hər şeyi düz edirsiniz və bu formada davam etmək lazımdır. Qarşılaşmada iki dəfə geriyə düşsək də, futbolçularımız nəticədə özlərində güc toplayaraq qələbə qazanmağı bacardılar".
Qeyd edək ki, "Karvan-Yevlax" – "Zirə" oyunu Bakı klubunun 3:2 hesablı qələbəsi ilə bitib.
