Idman.biz
"Real Madrid" La Liqanın 17-ci turun "Villarreal" – "Barselona" matçının ABŞ-da keçirilməməsi barədə qərarından məmnundur.
İdman.Biz COPE-yə istinadla xəbər verir ki, oyun dekabrın 20-nə planlaşdırılmışdı.
Mənbənin sözlərinə görə, "Real" belə bir matçın təşkilinin ciddi presedent yarada biləcəyini düşünür.
"Kral klubu"nda hesab edirlər ki, La Liqa futbolçularının etirazları təşkilatçının Mayamidə "Villarreal" – "Barselona" matçını ləğv etmək qərarında həlledici amil olub.
Xatırladaq ki, La Liqa komandaları matçın xaricdə keçirilməsinə etiraz əlaməti olaraq 9-cu turun oyunlarının ilk saniyələrində topa toxunmurdular. Lakin matçların yayımı zamanı bu etiraz ekranlarda nümayiş etdirilməyib.
