Idman.biz
"Mançester Siti"nin baş məşqçisi Xosep Qvardiola İngiltərə Premyer Liqasının 18-ci turunda "Nottingem Forest"lə oyun barədə danışıb.
İdman.Biz bildirir ki, oyun 2:1 hesabı ilə "Siti"nin qələbəsi ilə qurtarıb.
"Nottingem Forest"lə səfərdə qış matçı... Bilirəm ki, yaddaşım hərdən səhv məlumat verə bilər, amma altı liqa titulundan birini qazandığımız zaman bu kimi oyunlar çox oldu. Rəqiblərimizin keyfiyyətini nəzərə alsaq, bunlar çox vacib üç xaldır. Şon Dayç əsl komanda qurub, çox möhkəm bir komanda. Bir neçə ay əvvəl "Nottingem Forest" Çempionlar Liqasına vəsiqə qazanmaq üçün mübarizə aparırdı, Nunu Espiritu Santu gözəl iş görmüşdü və həmin komanda beynəlxalq yarışlara vəsiqə qazanmağı bacardı.
Həmçinin heyətinə yeni oyunçular əlavə etdilər: Hatçinson, İqor Jezus, Hadson-Odoi, Anderson, Gibbs-Vayt - müdafiədə necə oynadıqlarını görə bilərsiniz, bunu sevirlər - Milinkoviç, Savona - mən onu ötən mövsüm "Yuventus"da tanıyıram; o, mərkəz müdafiəçisi kimi oynaya bilər. Onlar yüksək səviyyəli komandadır. Başa düşürəm ki, hazırda nəticələr baxımından ən yaxşı dövrlərini keçirmirlər, amma bu, onların keyfiyyətini və ya Şon Dayçın aqressiv oyun tərzini inkar etmir, bu, heç bir komandada olmadığı kimi ən yaxşı səviyyədədir.
Biz bu barədə komanda olaraq danışdıq: inanılmaz bir zehni münasibətə ehtiyacımız var idi. Çətin anların öhdəsindən gəlmək və müdafiə olunmaq, daha yaxşı ola biləcəyinizi və oyunda qala biləcəyinizi qəbul etmək vacibdir, əks halda qalib gələ bilməyəcəksiniz", - Qvardiola "Siti"nin rəsmi saytına bildirib.
