Idman.biz
"Real"ın( Madrid) əfsanəvi yarımmüdafiəçilərindən olan Xose Mariya Qutyerrez (Quti) türkiyəli futbolçu Arda Gülerlə İspaniyalı yarımmüdafiəçilər Pedri arasında seçim edib.
İdman.Biz xəbər verir ki, 48 yaşlı keçmiş futbolçu La Liqanın rəsmi "Tik-Tok" səhifəsində futbolçuların bacarıqlarının qiymətləndirilməsi ilə bağlı seçimlər edərkən daha çox "Güler" variantına üstünlük verib.
Quti hesab edir ki, Arda Güler sürət, driblinq, zərbəsinin gücü, fiziki güc baxımından Pedrini üstələyir.
Məlumat üçün əlavə edək ki, La Liqada IX tur çərçivəsində "Real" səfərdə "Xetafe" üzərində çətin qələbə qazanıb. Oyunda yeganə qolu 80-ci dəqiqədə məhz Arda Gülerin ötürməsi ilə Kilian Mbappe vurub.
Bu oyundan sonra "Real"(Madrid) 24 xalla liderdir.
