Sport24.az
"Almaniyada təşkil olunan Avropa çempionatı çox dinamik və gərgin məcrada keçir ki, bu da həm mütəxəssislər, həm də azarkeşlər üçün çox maraqlıdı. Hər oyunda demək olar ki, 3 qol vurulur. Belçika və Ukrayna milillilərinin ilk turda məğlub olmaları bir qədər gözlənilməz oldu". Bu sözləri Sport24.az-a açıqlamasında Krunoslav Renduliç deyib.
"Sabah"ın baş məşqçisi qitə çempionatına qatılan komandaların heç birinin müdafiə futboluna üstünlük vermədiyini də vurulayıb: "Adətən, turnir davam etdikcə, oyunlar daha da maraqlı olur. Buna görə də qarşıda bizi daha baxımlı, möhtəşəm turnirin gözlədiyini proqnozlaşdıra bilərik. Klub futbolu getdikcə daha hücumameyilli, sürətli xarakter almaqdadır. Bu, milli komandaların oyununa da təsir edir. Artıq keçmişdəki kimi ultra müdafiə komandaları yoxdur. Hamı hücum etmək istəyir".
Qeyd edək ki, bu gün Avropa çempionatında qrup mərhələsinin II turuna start veriləcək.
ABDULLA İSMAYILOĞLU
