Sport24.az
Premyer Liqanın XX turuna "Tofiq Bəhramov"da yekun vurulacaq. Sport24.az xəbər verir ki, lider "Qarabağ" "Turan Tovuz"u qəbul edir.
Ağdam təmsilçisi cari mövsümdə "boz qurdlar"a qalib gələ bilməyib. Bu komandalar arasında ilk dövrənin oyununda "Turan Tovuz" 1:0 hesablı qələbəyə sevinib. 2-ci dövrədə isə qapılara qol vurulmayıb - 0:0. Bu dəfə necə olacaq? Bu sualın cavabını 90 dəqiqənin tamamında biləcəyik.
Qeyd edək ki, matç saat 18:30-da başlayacaq.
Misli Premyer liqası
III dövrə, XX tur
"Qarabağ" - "Turan Tovuz"
Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov
VAR: Əliyar Ağayev
AVAR: Zeynal Zeynalov
Hakim-inspektor: Ceyhun Haşımov
AFFA nümayəndəsi: Elçin Mehtiyev
Bakı. Tofiq Bəhramov adına Respublika Stadionu.
