"Fənərbaxça"nın baş məşqçisi postundan ayrılan İsmail Kartal Səudiyyə Ərəbistanına yollanacaq. Sport24.az xəbər verir ki, türk mütəxəssis "Əl-Taavun"la anlaşıb. Bu barədə "Fanatik" nəşri məlumat yayıb.
Tərəflər arasında 1 illik müqavilə ilə bağlı razılıq əldə edildiyi bildirilir.
"Əl-Taavun" başa çatan mövsümdə Səudiyyə Ərəbistanı liqasını 59 xalla turnir cədvəlinin 4-cü pilləsində başa vurub.
Qeyd edək ki, Kartal 2023/2024 mövsümündə "Fənərbaxça"ya rəhbərlik edib. Komanda onun rəhbərliyi altında Superliqada 2-ci olub.