Belçika millisinin və "Çelsi"nin hücumçusu Romelu Lukaku "Napoli"yə keçə bilər. Sport24.az "La Repubblica"-ya istinadən xəbər verir ki, İtaliya klubunun rəhbərliyi 31 yaşlı hücumçu üçün qarşı tərəfə 15 milyon avro təklif edib. Lakin bu məbləğ "Çelsi"ni qane etməyib.
Londonlular hücumçunu 30 milyon avrodan baha satmaq istəyir. "Napoli"də belçikalı futbolçunun transferinin əsas təşəbbüskarı komandanın yeni baş məşqçisi Antonio Kontedir. O, Lukaku ilə "İnter"də çalışıb.
Qeyd edək ki, Lukaku ötən mövsüm "Roma"da icarə əsasında çıxış edib. O, 21 qol vurub və 4 məhsuldar ötürmə verib.