Sport24.az
II Liqada çıxış edən "Quba" komandasının adı dəyişdiriləcək. Sport24.az-ın etibarlı mənbədən əldə etdiyi məlumata görə, bölgə təmsilçisi satılır.
Klubun yeni sahiblərinə verilməsi prosesi artıq yekunlaşmaq üzrədir və yaxın vaxtlarda bununla bağlı bütün detalların rəsmiləşdirilməsi gözlənilir.
Məlumata əsasən, "Quba" mövsümün ilk dövrəsini hazırkı adı ilə keçirəcək. Lakin bundan sonra komanda "Bərdə" adı altında fəaliyyətini davam etdirəcək. Bununla da II Liqada yeni ad altında mübarizə aparacaq.
Qeyd edək ki, ölkə futbolunda klub adlarının dəyişməsi ilə bağlı daha bir yenilik gözlənilir. Belə ki, I Liqada çıxış edən "Səbail" yeni mövsümdən "Quba" adı ilə çıxış etmək niyyətindədir. Beləliklə, "Quba" adı I Liqada təmsil olunacaq, hazırkı II Liqa klubu isə fəaliyyətini "Bərdə" kimi davam etdirəcək.
