Idman.biz
"Atletik Bilbao" rəsmi internet saytında "Əl-Nassr"ın müdafiəçisi Aymerik Laportu qeydiyyatdan keçirmək üçün FİFA-dan icazə aldıqlarını açıqlayıb.
İdman.biz bur barədə klubun rəsmi saytına istinadən məlumat verir.
"Atletik Bilbao" və "Əl-Nəsr" daha əvvəl 3 illik müqavilə və 10 milyon avroluq transfer haqqında razılığa gəliblər. Lakin Səudiyyə Federasiyası tərəfindən sənədlərin gecikməsi səbəbindən sövdələşmə baş tutmayıb.
Məlumata əsasən, FIFA İspaniya Kral Futbol Federasiyasına (RFEF) Səudiyyə Ərəbistanı Futbol Federasiyasından Beynəlxalq Transfer Sertifikatını (ITC) almaq səlahiyyəti verib.
Sertifikat verilən andan "Atletik" oyunçunu heyətinə qata biləcək.
Xatırladaq ki, "Atletik" Çempionlar Liqasının qrup mərhələsində "Qarabağ"ın rəqibidir. Klublar oktyabrın 22-də Bilbaoda üz-üzə gələcəklər.
İdman.biz
