Sport24.az
"Qarabağ"ın yeni transfer Jeremi Qnali üçün Kiprin "AEK Larnaka" klubuna ödədiyi məbləğ müəyyənləşib. Sport24.az-ın əldə etdiyi məlumatına görə, 23 yaşlı cinah müdafiəçisinin transferi Ağdam təmsilçisinə 100 min avroya başa gəlib.
Məbləğin az olmasının əsl səbəbi oyunçunun yayda müqaviləsinin başa çatması olub. Fransalı futbolçu artıq komandadan ayrılmaqla bağlı qərar vermişdi. "AEK Larnaka" isə oyunçunun satışından az da olsa, gəlir əldə etmək üçün onunla tezliklə vidalaşmaq istəyib. Çünki Qnali yayda azad agent olacaqdı.
Qeyd edək ki, "Qarabağ" Jeremi Qnali ilə 2.5 illik müqavilə imzalayıb. "Transfermarkt"də oyunçunun bazar dəyəri 450 min avrodur.
