Idman.biz
"Qarabağ"ın futbolçusu Elvin Cəfərquliyev və qapıçısı Mateuş Koxalski Masallı rayonunda iki məktəblinin böyük arzusunu gerçəkləşdiriblər.
İdman.Biz xəbər verir ki, sosial şəbəkələrdə "Qarabağ" komandasına və onun futbolçularına olan sevgilərini çəkdikləri video ilə ifadə etmişdilər.
Onların bu müraciəti cavabsız qalmayıb. Futbolçular uşaqlara xüsusi video-müraciət ünvanlayıblar. Maraqlı məqam ondan ibarətdir ki, videoda futbolçular şagirdlərin həm istedadını tərifləyib, həm də onlara hədiyyə göndərdiklərini bildiriblər.
Görüntülərdə məktəblilərə aşağıdakı hədiyyələr təqdim olunub:
Mateuş Koxalski: Gənc qapıçıya öz imzalı qapıçı əlcəklərini hədiyyə edib.Elvin Cəfərquliyev: Digər şagirdə öz imzalı "44" nömrəli "Qarabağ" formasını göndərib.
Hədiyyələri alan məktəblilərin sevinci hüdudsuz olub. Onlar dərhal yeni formalarını geyinərək və əlcəklərini taxaraq idman zalında futbol bacarıqlarını nümayiş etdiriblər. Şagirdlər bu sürprizin onlar üçün unudulmaz olduğunu və "Qarabağ"a həmişə azarkeşlik edəcəklərini bildiriblər.
"Mənim ən böyük arzum bu forma və əlcəklər idi, artıq arzum reallaşdı!" - deyə şagirdlərdən biri sevincini bölüşüb.
Bu addım həm klubun öz azarkeşlərinə olan diqqətini, həm də idmanın gənclər arasındakı təbliğatının gözəl nümunəsidir.
