Sport24.az
Bu gün "Qarabağ" Futbol Klubu üzvlərinin işğaldan azad olunan Qarabağ bölgəsinə səfəri başlayıb. Sport24.az qol.az-a istinadən xəbər verir ki, səfərdə "Qarabağ" klubunun rəhbərliyi, məşqçilər, futbolçular və Gənclər və İdman Nazirliyinin rəsmiləri iştirak edirlər.
Əvvəlcə "Qarabağ" komandası təyyarə ilə Füzuli Beynəlxalq Hava Limanına yollanıb. Komanda Füzulidən əvvəlcə Şuşa şəhərinə gedəcək. Burada onlar yerli sakinlərlə görüşəcəklər. Daha sonra Xankəndi şəhərindəki Qarabağ Universitetində görüş nəzərdə tutulub.
Bundan sonra klub üzvləri Ağdam şəhərinə səfər edəcəklər. Ağdamda
"Qarabağ" klununun üzvləri işğal dövrünə qədər komandanın ev oyunlarını keçirdiyi "İmarət" tarixi kompleksini ziyarət edəcək, rayona köçmüş yerli sakinlərlə görüşəcək.
"Qarabağ"ın bölgəyə səfəri Füzuli şəhərində yerli sakinlərlə görüşlə başa çatacaq.
