Sport24.az
Futbol üzrə qadınlardan ibarət Azərbaycan millisi dünya çempionatının seçmə mərhələsi üçün təlim-məşq toplanışına başlayıb. Sport24.az xəbər verir ki, yığma iyunun 5-də Sumqayıtda, Mehdi Hüseynzadə adına şəhər stadionunda Macarıstan millisi ilə qarşılaşacaq.
Siyasət Əsgərovun yetirmələri iyunun 9-da isə Bakı vaxtı ilə saat 21:00-da Bitola şəhərində yerləşən "Petar Miloşevski" stadionunda Şimali Makedoniya seçməsi ilə üz-üzə gələcək.
Qeyd edək ki, AFFA seçmə mərhələ oyunları üçün millinin heyətini də açıqlayıb. Siyahıda "Neftçi", "Yüksekovaspor", "Beşiktaş", "Fənərbağça", "Hamburq", "Partizan", "Rubin" və digər klublarda çıxış edən futbolçular yer alıblar.
