Idman.biz
Qadın futbolçulardan ibarət Azərbaycan milli komandası dünya çempionatı – 2027-nin seçmə mərhələsində ikinci oyununa çıxıb.
C Liqasının 3-cü qrupunda yer alan millimiz Macarıstan yığması ilə qarşılaşıb. Felksut şəhərindəki "Panço Arena"da təşkil olunan görüş meydan sahiblərinin 1:0 hesablı qələbəsi ilə yekunlaşıb.
Qeyd edək ki, millimiz ilk turda Bakıda Şimali Makedoniya yığması üzərində 2:0 hesablı qələbə qazanıb. Komandamız növbəti oyununu aprelin 14-də səfərdə Andorra seçməsinə qarşı keçirəcək.
10:57
Bu gün Azərbaycanın qadın futbolçulardan ibarət yığması DÇ-2027-nin seçmə mərhələsində növbəti oyununu keçirəcək.
İdman.Biz xəbər verir ki, C Liqasının üçüncü qrupunda yer alan Siyasət Əsgərovun komandası səfərdə Macarıstan millisi ilə qarşılaşacaq.
Görüş Felksutdakı "Panço Arena"da, Bakı vaxtı ilə saat 17:30-da start götürəcək. Görüşü Portuqaliyadan olan baş hakim Filipa Pereyra Kunya idarə edəcək.
Qeyd edək ki, milli seçmə mərhələdəki ilk görüşündə Şimali Makedoniya kollektivi üzərində 2:0 hesablı qələbə qazanmışdı.
