Idman.biz
Futbol üzrə qadınlardan ibarət Azərbaycan milli komandası dünya çempionatının seçmə mərhələsi üçün təlim-məşq toplanışına başlayıb.
İdman.Biz xəbər verir ki, yığma iyunun 5-dək Bakıda hazırlıq keçəcək. Komanda iyunun 6-dan 10-dək isə Şimali Makedoniyada toplanışı davam etdirəcək.
Millimiz hazırlıq çərçivəsində iki rəsmi oyuna çıxacaq. Azərbaycan yığması 5 iyunda saat 18:00-da Sumqayıtda, Mehdi Hüseynzadə adına şəhər stadionunda Macarıstan millisi ilə qarşılaşacaq.
Komanda 9 iyunda isə Bakı vaxtı ilə saat 21:00-da Bitola şəhərində yerləşən "Petar Miloşevski" stadionunda Şimali Makedoniya seçməsi ilə üz-üzə gələcək.
Qeyd edək ki, AFFA seçmə mərhələ oyunları üçün millinin heyətini də açıqlayıb. Siyahıda "Neftçi", "Yüksekovaspor", "Beşiktaş", "Fənərbağça", "Hamburq", "Partizan", "Rubin" və digər klublarda çıxış edən futbolçular yer alıblar.
