Idman.biz
PSJ yarımmüdafiəçi Vitinyanın satılması variantını nəzərdən keçirmir. Paris klubu futbolçuya maraq göstərən Madrid "Real"ına baxmayaraq, portuqaliyalı oyunçunun komandada qalmasını planlaşdırır.
İdman.Biz xəbər verir ki, Fransa klubunun prezidenti Naser Əl-Xəlaifi 25 yaşlı yarımmüdafiəçini PSJ-nin uzunmüddətli layihəsinin əsas fiqurlarından biri hesab edir və onun gedişi ilə bağlı danışıqlara hazır deyil.
Bundan əvvəl İspaniyanın AS nəşri "Real"ın Vitinyanın transfer imkanlarını araşdırdığını yazmışdı. Lakin Madrid klubunda da anlayırlar ki, PSJ ilə bu mövzuda danışıqlar son dərəcə çətin ola bilər.
Vitinya 2022-ci ilin yayında "Portu"dan PSJ-yə keçib. O vaxtdan bəri bütün turnirlər üzrə 183 matça çıxan portuqaliyalı futbolçu 25 qol vurub və 24 məhsuldar ötürmə edib. Onun Paris klubu ilə mövcud müqaviləsi 2029-cu ilin yayına qədər qüvvədədir. Transfermarkt portalının məlumatına görə, Vitinyanın bazar dəyəri 110 milyon avro qiymətləndirilir.
