Idman.biz
İngiltərə Premyer Liqasının 31-ci turu çərçivəsində keçirilən "Tottenhem" - "Nottinqem Forest" qarşılaşması gözlənilməz nəticə ilə başa çatıb. "Tottenhem" uğursuzluq zolağından çıxa bilməyərək bu görüşü də uduzub - 0:3.
İdman.Biz xəbər verir ki, "Nottinqem Forest" fasiləyə bir qədər qalmış, 45-ci dəqiqədə İqor Jexusun qolu ilə önə keçib. İkinci hissədə də təzyiqi davam etdirən qonaqlar 62-ci dəqiqədə Morqan Gibbs-Uaytın sayəsində fərqi artırıblar. Oyunun son nöqtəsini isə 87-ci dəqiqədə Tayvo Avoniyi qoyub.
Bu ağır məğlubiyyətdən sonra 30 xalı olan "Tottenhem" turnir cədvəlində 17-ci pilləyə qədər enərək təhlükəli zonanın bir addımlığına düşüb. "Nottinqem Forest" isə bu qələbə sayəsində xallarını 32-yə çatdıraraq 16-cı yerə yüksəlib və rəqibini geridə qoyub.
Növbəti turda "Tottenhem" aprelin 12-də səfərdə "Sanderlend"in qonağı olacaq. "Nottinqem Forest" isə həmin gün doğma meydanda "Aston Villa"nı qəbul edəcək.
20:20
İngiltərə Premyer Liqasının 31-ci turu çərçivəsində keçirilən "Aston Villa" - "Vest Hem Yunayted" qarşılaşması meydan sahiblərinin 2:0 hesablı qələbəsi ilə başa çatıb.
İdman.Biz xəbər verir ki, "Aston Villa" oyuna sürətli başlayıb və artıq 15-ci dəqiqədə Con Maqqin hesabı açıb. "Vest Hem" bərabərlik qolu üçün çalışsa da, 68-ci dəqiqədə Olli Uotkins komandasının ikinci qolunu vuraraq matçda son nöqtəni qoyub.
Bu qələbədən sonra "Aston Villa" 54 xalla turnir cədvəlinin dördüncü pilləsindəki mövqeyini qoruyub. "Vest Hem Yunayted" isə 29 xalla 18-ci yerə geriləyərək rəsmən düşmə zonasına daxil olub.
Növbəti turda "Aston Villa" aprelin 12-də səfərdə "Nottinqem Forest"lə qarşılaşacaq. "Vest Hem" isə iki gün əvvəl, aprelin 10-da "Vulverhempton"u qəbul edəcək.
18:12
İngiltərə Premyer Liqasının 31-ci turu çərçivəsində keçirilən və bütün ölkənin maraqla gözlədiyi ən qədim və gərgin derbilərdən biri - Tayn-Uir derbisi "Sanderlend"in möhtəşəm qələbəsi ilə başa çatıb. "Sent-Ceyms Park"da baş tutan qarşılaşmada "Nyukasl Yunayted" 90-cı dəqiqədə vurulan qolla məğlub olub.
İdman.Biz xəbər verir ki, Antoni Teylorun idarə etdiyi oyun "sağsağanlar" üçün uğurlu başlayıb. Artıq 10-cu dəqiqədə Entoni Qordon "Nyukasl Yunayted"in önə keçirib. Lakin ikinci hissədə təşəbbüsü ələ alan "Sanderlend" 57-ci dəqiqədə Şemsdin Talbinin vurduğu qolla tarazlığı bərpa edib. Matçın son dəqiqəsində isə Brayan Brobbi səhnəyə çıxaraq "Nyukasl" azarkeşlərini şoka salan qalibiyyət qoluna imza atıb.
Bu nəticədən sonra "Sanderlend" xallarının sayını 43-ə çatdıraraq turnir cədvəlində 11-ci pilləyə yüksəlib və əzəli rəqibi "Nyukasl"ı (42 xal, 12-ci yer) geridə qoyub.
