top
Orxan Məmmədov: Bakıdakı dünya çempionatı yaddaşlarda qalacaq Sport24.az
14 aprel 2025, 13:08
- +

Orxan Məmmədov: "Bakıdakı dünya çempionatı yaddaşlarda qalacaq"

Azərbaycan Minifutbol Federasiyasının prezidenti Orxan Məmmədov Dünya Minifutbol Federasiyasının rəsmi saytına müsahibə verib. Sport24.az xəbər verir ki, qurum rəhbəri ölkəmizdə minifutbolun hazırkı durumu, inkişafı haqqında danışıb.

 

O, həmçinin may ayında Bakıda keçiriləcək minifutbol üzrə dünya çempionatına hazırlıqdan bəhs edərək, bu mötəbər yarışın yüksək səviyyədə təşkil olunacağını bildirib: "İlk olaraq qeyd edim ki, Azərbaycan Minifutbol Federasiyası bu idman növünün ölkəmizdə inkişaf etməsi və populyarlaşması üçün ciddi işlər görür. Federasiyamız dünya və Avropa minifutbol federasiyalarının aktiv üzvü kimi bir çox tədbirlər və konfranslarda fəal iştirak edir və təcrübə mübadiləsi aparır. Yarandığı gündən etibarən federasiya milli komandamızın 3 Avropa çempionatı və bir dəfə dünya çempionatında iştirakını təmin edib. Bundan başqa komandamız Avropa çempionu olduqdan sonra 2022-ci il iyunun 14-də Azərbaycan Prezidenti İlham Əliyev millimizin üzvlərini qəbul edib. Məhz ölkə rəhbərinin belə diqqətinin nəticəsidir ki, hazırda insanlar minifutbola ciddi maraq göstərirlər. Gündən-günə daha çox insan və hətta peşəkar futbolçu olmayanlar da minifutbola üz tutur". 

 

O.Məmmədov bildirib ki, ölkəmizdə minifutbol üzrə dünya çempionatının başlaması böyük səbirsizliklə gözlənilir: "Azərbaycan olduqca böyük, beynəlxalq miqyaslı yarışlara, festivallara, qlobal forumlara, konfranslara - bir sözlə, nüfuzlu tədbirlərə ev sahibliyi edib. Belə böyükmiqyaslı tədbirlərin keçirilməsi üçün etimadın göstərilməsi heç də təsadüfi deyil. Bu, əlbəttə, Azərbaycanın qazandığı uğurların,dünya ictimaiyyəti, beynəlxalq təşkilatlar qarşısında əldə etdiyi nüfuzunun ifadəsidir. Bu mundial ölkəmizdə böyük səbrsizliklə gözlənilir. Çünki bu bizim azarkeşlərimiz üçün əsl bayram deməkdir". 

 

Federasiya rəhbəri artıq mundiala hazırlıqların son mərhələsində olduqlarını bildirib: "Artıq Azərbaycan dünyada həm də beynəlxalq idman yarışlarının, dünya və Avropa çempionatlarının keçirildiyi unikal məkan statusuna da sahiblənib. Elə il yoxdur ki, ölkəmizdə hansısa beynəlxalq idman yarışı keçirilməsin. Hazırda isə idman ölkəsi daha bir nüfuzlu yarışın-  minifutbol üzrə dünya çempionatını qəbul etməyə hazırlaşır. Əlbəttə, çətinliklərin olması təbii haldır. Olduqca məsuliyyətli vəzifəni öhdəmizə götürmüşüksə heç birçətinlikdən çəkinməməliyik. Artıq hazırlıqların son mərhələsindəyik. Bu günə kimi hər şey plan üzrə davam edir. Azarkeşlər nəinki Milli Gimnastika Arenasında keçirilən möhtəşəm açılış mərasiminin və gözəl oyunların şahidi olacaqlar, həm də paralel olaraq Bakı bulvarında keçiriəcək maraqlı və əyləncəli tədbirlərdə iştirak edə biləcəklər. Əminəm ki, həmin günlərdə hava şəraiti də yaxşı olacaq və azarkeşlərin Bakının gözəl yerləri ilə tanış olmasına şərait yaradacaq. İnanıram ki, Bakıdakı mundial dünya minifutbol tarixində özünəməxsus iz buraxacaq". 

 

O, minifutbol idman növünün Azərbaycanda çox sevildiyini də qeyd edib: "Bizim ölkədə böyük futbol qədər minifutbol da çox sevilir. Bu idman növünə maraq komandamızın Avropa çempionluğundan sonra daha da artıb. İndi bizim federasiyaya məxsus meydançalarımızda uşaqdan-böyüyə hər kəs minifutbol oynayır. Qısa müddətdə inanılmaz kütləviliyə nail olmaq bizi sevindirir. Azarkeşlərimiz isə bizi hər zaman dəstəkləyirlər. Misal üçün 2023-cü ilin may ayında ümummilli lider Heydər Əliyevin xatirəsinə həsr olunmuş beynəlxalq turnir keçirildi. Həmin yarışda müxtəlif ölkələrdən 10 komanda iştirak etdi. Bakı tennis akademiyasında keçirilən oyunlarda azarkeşlər millimizə möhtəşəm dəstək göstərdi. Bu dəstək millimizin uğurlarına ciddi təsir göstərdi. Dünya çempionatında da onların güclü dəstəyini hiss edəcəyimizə əminəm". 

 

O.Məmmədov sonda Bakıdakı dünya çempionatının unudulmaz olacağını deyib: "Digər ölkələrdən olan azarkeşləri Bakıda görməkdən məmnun olacağıq. Bizim ölkəmiz olduqca qonaqpərvər yerdir. Ən əsası isə gözəl və tam təhlükəsiz ölkədir. Bütün azarkeşləri paytaxtımıza dəvət edirik. Onlar nəinki gözəl oyunların şahidi olacaq, həmçinin Azərbaycanın fərqli mədəniyyəti və insanları ilə tanış olmaq imkanı əldə edəcəklər. İnanıram ki, Bakıdakı dünya çempionatı onların yaddaşında ən unudulmaz mundiallardan biri kimi qalacaq. Komandaların hər birinə isə uğurlar arzulayıram".

 
Qarabağ FK

Son xəbərlər

Digər
Bu gün, 15:46

Azərbaycanlı kempo-karate ustası Toğrul İbrahimli faciəvi şəkildə ölüb

Voleybol
Bu gün, 15:41

"Gəncə" Voleybol Klubunun Prezidenti: Yeni Mövsüm, Hədəflər və Bölgədə Voleybolun İnkişafı

Futbol
Bu gün, 15:40

"Milan" "Şaxtyor"dan Kevin Masedonu transfer etmək istəyir

Basketbol
Bu gün, 15:34

"Sabah" BK Hüseyn Məmmədovla müqavilə imzalayıb

Futbol
Bu gün, 15:31

"Fənərbağça" Edson Alvaresi icarəyə götürüb

Basketbol
Bu gün, 15:30

Hüseyn Məmmədov "Sabah"ın heyətində!

Güləş
Bu gün, 15:28

Üç güləşçimizdən ikisi yarımfinalda, biri 1/8 finalda - YENİLƏNİR

Futbol
Bu gün, 15:20

Duqlas Luiz "Nottingem Forest"ə icarəyə verilib

Futbol
Bu gün, 15:17

Futbolçulardan La Liqa matçının Mayamiyə keçirilməsinə ETİRAZ

Güləş
Bu gün, 15:05

Fəraim Mustafayev U-20 Dünya Çempionatının yarımfinalında

Futbol
Bu gün, 15:00

"Mançester Yunayted" Ancelo Ştillerlə maraqlanaraq "Real Madrid"in transfer planlarına əngəl törədir?

Futbol
Bu gün, 15:00

"Ferentsvaroş" - "Qarabağ" oyunu azarkeş sayına görə Çempionlar Liqasında 6-cı oldu

Futbol
Bu gün, 14:53

PSV "Bavariya"nın yarımmüdafiəçisi Pol Vanneri transfer edib

Futbol
Bu gün, 14:46

"Nottingem Forest" bir oyundan sonra baş məşqçini qovmaq təhlükəsi ilə üzləşir

Futbol
Bu gün, 14:40

"Araz-Naxçıvan"ın zədəli futbolçusu Ramon Maçadonun "Turan Tovuz"la oyunda iştirakı gözlənilir

Futbol
Bu gün, 14:35

"Neftçi" "İmişli" ilə oyunda "Banişevski" forması ilə oynayacaq

Futbol
Bu gün, 14:33

"Mançester Yunayted" Senne Lammenslə razılığa gəldi

Futbol
Bu gün, 14:23

Kristian Avram: Premyer Liqada asan mövsüm olmayacaq

Basketbol
Bu gün, 14:20

"Neftçi" FIBA Avropa Kubokuna hazırlaşmaq üçün Rumıniyaya gedəcək

Futbol
Bu gün, 14:10

Mahir Emreli "Elversberq"lə oyunda: Start heyəti və qələbə ümidi

Minifutbol
Bu gün, 14:01

Fuad Rzayev: "Neftçi"dən təklif gələndə düşünmədən qəbul etməlisən

Futbol
Bu gün, 14:00

"Difai"nin baş məşqçisi Araz Bağırov yeni mövsüm və komanda hədəfləri barədə danışıb

Basketbol
Bu gün, 13:48

"Neftçi"nin Avrokuboklardakı Hədəfi: Qrupdan Çıxmaq

Digər
Bu gün, 13:41

Bakıda AirBadminton üzrə Avropa çempionatı keçiriləcək

Oxşar xəbərlər