Sport24.az
"Kristal Pelas"ın baş məşqçisi Oliver Qlasner Leverkuzen "Bayer"inin baş məşqçisi ola bilər. Sport24.az xəbər verir ki, bu barədə "Bild" nəşri məlumat yayıb.
Qlasnerin agenti ilə "Bayer" rəhbərliyi arasında danışıqlar yekunlaşmaq üzrədir. Məşqçinin özü ilə isə müzakirələrin bu gün başlayacağı gözlənilir.
Həmçinin qeyd olunur ki, Leverkuzen rəhbərliyi bir neçə il əvvəl avstriyalı mütəxəssislə əlaqə saxlayıb, lakin həmin vaxt onun "Bayer"ə təyinatı gerçəkləşməyib.
Mənbənin sözlərinə görə, Qlasner "Bayer"in heyətini və yay transferlərinə 100 milyon avro xərcləmək planını bəyənir.
Qeyd edək ki, Qlasner yanvarda 2025/26 mövsümünün sonunda "Kristal Pelas"dan ayrılacağını açıqlamışdı. "Bayer"in namizədlər siyahısında ikinci yerdə "Bornmut"un baş məşqçisi Andoni İraola gəlir.
