Sport24.az
"Püşk "Zirə"nin qarşısına güclü rəqib çıxartdı. Amma "Şerif"dən qorxmaq lazım deyil. Onlar hazırda əvvəlki illərdə olduğu kimi əzəmətli deyillər". Bu sözləri Sport24.az-a açıqlamasınsa Novruz Əzimov deyib.
Vaxtilə Moldovada çalışmış mütəxəssis "Zirə"nin "Şerif"i mübarizədən kənarlaşdıra biləcəyini düşünür: "Şerif" başa çatan mövsümdə çempionluq mübarizəsindən kənarda qaldı. Moldova çempionatında legioner limiti yoxdu. Ona görə də "Şerif" 16-17 legionerin xidmətindən yararlanırdı. Amma hazırda vəziyyət dəyişıb. Onların aparıcı futbolçuları komandanı tərk edib. Bildiyim qədər Tiraspol təmsilçisi hazırda maliyyə sıxıntısı da yaşayır. Bəli, Moldova komandası "Zirə" ilə müqayisədə daha köklü klubdu, onların böyük avrokubok təcrübəsi var. Amma unutmayaq ki, qəsəbə təmsilçisi də yola saldığımız mövsümdə həm çempionatda özünü yaxşı tərəfdən göstərdi, həm də Azərbaycan Kubokunun finalına yüksəldi. Rəşad Sadıqov savadlı və prinsipial məşqçisi. inadkar baş məşqçisi var. Fikrimcə, "Zirə" ötən mövsümdəki tonusu, əzmkarlığı qorusa və heyəti bir qədər də gücləndirsə, "Şerif" səddini keçəcək. Sadəcə, buna inanıb və sonadək mübarizə aparmaq lazımdı".
Qeyd edək ki, "Zirə" Avropa Liqasının 1-ci təsnifat mərhələsinin ilk oyununu iyulun 11-də səfərdə keçirəcək. Cavab görüşü isə iyulun 18-də Bakıda baş tutacaq. .
ABDULLA İSMAYILOĞLU
