Sport24.az
"Hamburq"un formasını geyinən Nigar Mirzəliyeva Sport24.az-a müsahibə verib.
- Millimiz ilk oyunda Şimali Makedoniya yığmasını məğlub etdi. Oyunu necə şərh edərdin?
- İlk oyunda qələbə qazandığımız üçün komanda olaraq çox xoşbəxtik. Komandada ab-hava yüksək səviyyədədir. Məqsədimiz 3 xalı götürmək idi və buna nail olduq.
- Növbəti oyun martın 7-də Macarıstana qarşıdır. Gözləntiləriniz...
- Macarıstan millisinə qarşı oyuna hazırlaşırıq. Orada maksimum nəticə almaq istəyirik və inanıram ki. səfərdən 3 xalla dönə biləcəyik.
- Qrup lideri olacağınıza inam varmı?
- Məhz bunun üçün çalışırıq. Əsas istəyimiz qrup lideri olmaqdır.
- Almaniyada legioner həyatı nnecə keçir?
- Almaniyada legioner həyatı yaxşı keçir. Futbol orada çox sevilir, demək olar ki, hər oyunda tribunalar azarkeşlərlə dolu olur və bu da bizə əlavə motivasiya verir. Almaniyada futbol çox inkişaf edib. Belə yüksək tempdə və inkişaf etmiş futbol mühitində oynamaq mənim üçün böyük təcrübədir. Məqsədim isə daha yaxşı klublarda oynamaqdır.
- Rusiya ilə fərqi nələrdir?
- Almaniyada dünyanın güclü ölkələrindən olan çox istedadlı futbolçular çıxış edir və onlara qarşı oynamaq böyük təcrübədir. Fərq bundadır. Rusiya haqqında isə bunu söyləmək çətindir. Rusiyada da çempionat kifayət qədər yaxşıdır, amma Almaniya səviyyəsində deyil.
