Sport24.az
Lui van Qal Dortmund "Borussiya"sında mümkün iş barədə sualı cavablandırıb. Sport24.az "Sky Germany"-yə istinadən xəbər verir ki, niderlandlı mütəxəssis bu seçimin ona uyğun olmadığını bildirib:
"Xeyr, bu mənə uyğun seçim deyil. Mən indi yalnız milli komandada işləməyə hazıram".
Van Qalın Almaniya Bundesliqasında iş təcrübəsi var. O, 2009-2011-ci illərdə "Bavariya"nın "sükanı arxasında" olub.
Qeyd edək ki, "Borussiya" hazırda 25 xalla turnir cədvəlinin 10-cu pilləsində qərarlaşıb.
