Sport24.az
"Santos"un hücumçusu Neymar klubun müdafiəçi Joao Basso ilə yollarını ayırmaq qərarını açıq şəkildə tənqid edib. Sport24.az xəbər verir ki, ulduz futbolçu bu barədə sosial şəbəkə hesabında paylaşım edib.
29 yaşlı Bassonun klubla müqaviləsi ilin onunda başa çatır. Lakin müdafiəçi baş məşqçi Xuan Pablo Voyvodanın etimadını qazana bilmədiyi üçün ötən gün sözləşməyə qarşılıqlı razılıq əsasında xitam verilib.
"Santos"un düşərgəsində gəzən söz-söhbətə görə isə Neymar yaşananları ədalətsiz hesab edib. O, Bassonu nümunəvi oyunçu sayıb. Neymarın fikrincə, Joao ehtiyat oyunçular skamyasında olarkən belə komanda atmosferini heç vaxt pozmayıb.
Lakin klub Lukas Verissimonun transferi üçün əmək haqqı fondunu azaltmağı düşünür. Komandanın liderinin bu emosional partlayışının "Santos"un rəhbərləri ilə uzunmüddətli münaqişəyə səbəb olub-olmayacağını isə zaman göstərəcək.
