Idman.biz
"Napoli"nin prezidenti Aurelio De Laurentis oyun qaydalarına və Avropa liqalarının formatına dəyişiklik etməyə çağırıb.
İdman.Biz xəbər verir ki, De Laurentis futbolun illərdən bəri yığılıb qalan problemlərini dilə gətirib.
"Futbol klublarının rəhbərləri çox rahatlıqla oturduqları mövqelərini itirməkdən qorxduqları üçün dəyişmək istəmirlər. Amma həm oyun qaydalarını, həm də liqa formatlarını dəyişməyin vaxtı çatıb. Oyunlar çoxdur və düşünürəm ki, oyunçular artıq bir mövsümdə 50, 60 və ya 70 oyun keçirə bilmirlər", - "Napoli"nin prezidenti "Football Italia"ya açıqlamasında deyib.
O əlavə edib ki, yığma komandaların oyunçuları üçün yaş həddi müəyyən edilməlidir:
"23 yaşdan yuxarı oyunçular daha milli komandada oynamamalıdır, yeni istedadlar kəşf edilməlidir. Biz bu yolla yaşlı oyunçuları milli komandalarda oynayarkən zədələnməkdən qoruya bilərik".
