Sport24.az
"Mənim üçün bu, yeni və xoş təcrübə oldu. Bu müddət ərzində çox şey öyrəndim. "Yurqorden"də keçirdiyim vaxt mənə çoxlu yeni dostlar qazandırdı və gözəl insanlarla tanış oldum". Bu sözləri İsveç klubundan ayrılan Musa Qurbanlı yazıb.
Artıq yeni klubla anlaşan hücumçu "Yurqorden"də ona dəstək olan hər kəsə təşəkkür etməyi də unutmayıb: "Dəstəyinizə görə sizə təşəkkür etmək istəyirəm. Komandanın böyük azarkeşləri qarşısında oynamaq şərəf idi. "Yurqorden"ə gəldiyim gündən bəri hər zaman əlimdən gələni etmişəm və arzu edirəm ki, hər şey mənim üçün daha yaxşı olsun. Mənə dəstək olan hər kəsə təşəkkür edirəm".
Qeyd edək ki, Musa ötən ilin iyulunda müqavilə bağladığı İsveç təmsilçisindən ayrılaraq bu günlərdə "Qarabağ"la 3 illik anlaşmaya imza atıb.
