Idman.biz
"Sabah"ın sabiq baş məşqçisi Murad Musayev "MATÇ TV"yə müsahibə verib.
İdman.Biz bildirir ki, "Krasnodar"ın çalışdırıcısı Azərbaycan klubundan ayrılmasının səbəbləri barədə də danışıb.
"Ən çətini emosiyası olmayan komandanı çalışdırmaqdır. Futbolçular məğlubiyyətə adi hal kimi baxırdılar. Mən "Sabah"dan getdim. Amma bu, o demək deyil ki, məni oradan göndərdilər. İki il "Sabah"da işlədim. Daim qələbə qazanmaq və inkişaf etmək istəyən komandamız var idi. Sonra liderlər getdi, yeni futbolçular gəldi. Onda uğursuz mövsüm oldu. Ümumilikdə mənim emosiyasız komandadan xoşum gəlmir".
Murad Musayev 2021-2024-cü illərdə "Sabah"ın baş məşqçisi olub.
