Idman.biz
Fransa Liqa 1-in 20-ci turunun "Monako" və "Renn" komandaları arasında keçirilən oyun başa çatıb.
İdman.Biz bildirir ki, komandalar Monakodakı "Stad Lui II" arenasında qarşılaşıblar. Meydan sahibləri 4:0 hesablı qələbəni qeyd ediblər.
"Monako"nun hücumçusu Ansu Fati 33-cü dəqiqədə hesabı açıb. Yarımmüdafiəçi Maqnes Akliuş 50-ci dəqiqədə ev sahibi komandanın üstünlüyünü ikiqat artırıb. 60-cı dəqiqədə Mamadu Kulibali "Renn"in qapısına üçüncü qolu, 90+1-ci dəqiqədə isə "Monako"nun yarımmüdafiəçisi Stanis İdumbo-Muzambo isə matçın son qolunu vurub.
Fransa liqasında 20 oyundan sonra "Monako" 27 xalla turnir cədvəlində 10-cu yerdədir. "Renn" 31 xalla altıncı yerdədir.
22:18
Fransa Liqa 1-in 20-ci turunun "Paris" və "Marsel" komandaları arasında keçirilən oyunu başa çatıb.
Komandalar "Stade Jean Bouin" stadionunda (Paris) oynayıblar. Oyun 2:2 hesablı heç-heçə ilə bitib.
Meyson Qrinvud hesabı açıb. "Marsel"in yarımmüdafiəçisi 18-ci dəqiqədə penaltidən dəqiq zərbə vurub. İkinci hissədə, 53-cü dəqiqədə hücumçu Pyer-Emerik Obameyanq komandasının üstünlüyünü artırıb. 82-ci dəqiqədə ev sahibi komandanın hücumçusu Nanitamo İkone bir qolun əvəzini çıxıb. 90+4-cü dəqiqədə "Paris"in yarımmüdafiəçisi İlan Kebbal penalti zərbəsi ilə hesabı bərabərləşdirib.
Fransa liqasında 20 oyundan sonra "Paris" 21 xala malikdir və 14-cü yerdədir. "Marsel" 39 xalla üçüncüdür.
