Sport24.az
"Şerif" hazırlıqlı və yaxşı komandadı. Onlar avrokuboklarda həmişə xarakter göstərməklə, yaxşı nəticələr qazanmağı bacarıb". Bu sözləri Sport24.az-a açıqlamasında Kristian Avram deyib.
"Araz-Naxçıvan"ın moldovalı qolkiperi Avropa Liqasının püşkünü dəyərləndirməklə yanaşı, "Zirə"ni heç də asan oyunlar gözləmədiyini də vurğulayıb: "Püşk "Zirə"yə Tiraspol təmsilçisini rəqib etdi. Rəşad Sadıqovun çalışdırdığı kollektiv geridə qalan mövsümdə təqdirə layiq çıxış etməklə Avropa Liqasına vəsiqə qazandı. Amma görünən odur ki, qitəmiqyaslı turnirdə "Zirə"ni ağır sınaq gözləyir. "Şerif" sıradan bir komanda deyil. Tiraspolluların qitəmiqyaslı turnirlərdə iştirakla bağlı böyük təcrübəsi var ki, bu da vacib məqamdı. Buna rəğmən, bizi iki oyundan ibarət maraqlı qarşıdurmanın gözlədiyinə əminəm".
Qeyd edək ki, "Zirə"nin "Şerif"lə ilk matçı iyulun 11-də Moldovada, cavab qarşılaşması isə ayın 18-də Bakıda baş tutacaq.
ABDULLA İSMAYILOĞLU
