Sport24.az
"90 dəqiqə ərzində üstün tərəf biz idik. Çoxsaylı qol imkanlarımız olsa da, yararlana bilmədik. Rəqib isə əlinə düşən fürsətdən maksimum yararlandı. Yalnız oyunun son dəqiqələrində qol vurub məğlubiyyətdən qaça bildik". Bu sözləri Sport24.az-a açıqlamasında MOİK-in baş məşqçisi Qəzənfər Abbasov bildirib.
Gənc mütəxəssis çempionluğun əldə çıxmasına münasibət bildirməklə yanaşı, mövsümü mükafatçılar sırasında bitirmək istəkləri barədə də danışıb: "Mövsümün əvvəlində qarşımıza çempionluq hədəfi qoymuşduq. Bu istiqamətdə də uğurla irəliləyirdik. Amma III dövrədə bizə hava-su kimi lazım olan xallar itirdik ki, nəticədə çempionluq mübarizəsindən kənarda qaldıq. Futbolçularımdan razıyam, onlar əlindən gələni etdilər. Çempionluq şansımızı itirdikdən sonra 3-cü və ya 4-cü yer üçün oynamaq o qədər də motivasiya yaratmır. Təbii ki, mövsümü ilk "3-lüy"də bitirmək pis olmazdı. Amma məqsədimiz çempionluq idi. Təəssüf ki, hədəfimizdən uzaq düşdük".
Qeyd edək ki, çempionatın başa çatmasına 1 tur qalmış aktivində 46 xal olan MOİK 4-cü pillədə qərarlaşıb
POLAD AZƏR
