Idman.biz
Misli Premyer Liqasının 32-ci turunda "Zirə" doğma meydanda "Sumqayıt"ı məğlub edib.
İdman.Biz xəbər verir ki, Zirə İdman Kompleksinin stadionunda keçirilən qarşılaşma meydan sahiblərinin 2:1 hesablı qələbəsi ilə başa çatıb.
Oyunda hesab 19-cu dəqiqədə açılıb. "Zirə"nin heyətində Ruan Renato penaltidən dəqiq yararlanaraq komandasını önə keçirib.
Qonaqlar fasilə ərəfəsində bərabərlik qolunu vurublar. 44-cü dəqiqədə Aleksandr Romalinqom fərqlənərək hesabı bərabərləşdirib.
Matçın taleyi isə əlavə olunmuş dəqiqələrdə həll olunub. 90+8-ci dəqiqədə yenidən penaltini dəqiq yerinə yetirən Ruan Renato "Zirə"yə qələbə qazandırıb.
Bu nəticədən sonra "Zirə" xallarının sayını 53-ə çatdıraraq beşinci pillədə qalıb. Aktivində 41 xal olan "Sumqayıt" isə yeddinci sıradadır.
18:00
Hazırda futbol üzrə Misli Premyer Liqasının 32-ci turu çərçivəsində "Zirə" və "Sumqayıt" komandaları arasında qarşılaşma keçirilir.
İdman.Biz xəbər verir ki, oyun Zirə İdman Kompleksinin stadionunda baş tutur.
Matçın baş hakimi Cavid Cəlilovdur.
09:01
Misli Premyer Liqasının 32-ci turunun son oyun günündə iki qarşılaşma nəzərdə tutulub.
İdman.Biz xəbər verir ki, saat 18:00-da start götürəcək oyunlardan biri "Zirə" və "Sumqayıt" arasında baş tutacaq. Qarşılaşmanı Cavid Cəlilov idarə edəcək.
"Zirə" 50 xalla turnir cədvəlinin beşinci pilləsində yer alıb. 41 xala malik "Sumqayıt" isə yeddincidir.
Misli Premyer Liqası
Üçüncü dövrə, 32-ci tur
17 may (bazar)
18:00. "Zirə" - "Sumqayıt"
Hakimlər: Cavid Cəlilov, Kamran Bayramov, Müslüm Əliyev, Kamran Əliyev.
VAR: İnqilab Məmmədov.
AVAR: Zöhrab Abbasov.
Hakim-inspektor: Zöhrab Qədiyev.
AFFA nümayəndəsi: Rüfət Əmirov.
Zirə İdman Kompleksinin stadionu
