Sport24.az
Rumıniya millisinin baş məşqçisi Mirça Luçesku komandanın məşqi zamanı huşunu itirib. Sport24.az xəbər verir ki, bu barədə adı çəkilən ölkənin mətbuatı məlumat yayıb.
Mənbənin sözlərinə görə, komandanın tibb heyəti təcili yardım briqadası gəlməzdən əvvəl ona ilkin tibbi yardım göstərib. Luçesku təcili xəstəxanaya aparılıb və hərtərəfli müayinədən keçəcək.
Rumıniya Federasiyasındakı mənbələr onun infarkt keçirdiyini bildirirlər. 80 yaşlı mütəxəssis əvvəllər bir neçə ürək əməliyyatı keçirib.
Hadisəni nəzərə alaraq, Rumıniya millisi martın 31-də Slovakiyaya qarşı oyuna baş məşqçiçisi olmadan çıxacaq.
Qeyd edək ki, cümə axşamı günü Rumıniya seçmə mərhələnin pley-off mərhələsinin yarımfinalında Türkiyəyə 0-1 hesabı ilə məğlub olaraq DÇ-2026-ya vəsiqə qazanmaq uğrunda mübarizəsini başa vurub.
