Idman.biz
Cari mövsümdə I Liqanın iddialılarından sayılan "Mingəçevir"də vəziyyət yenidən pisləşib.
İdman.Biz xəbər verir ki, kluba yaxın mənbə sponsorun komandanın maliyyə xərclərini qarşılamaqda çətinlik çəkməsi barədə sport24.az-a məlumat ötürüb.
Bu üzdən "nur şəhəri"nin təmsilçisində maaşla bağlı problemlər baş qaldırıb. Klubun sponsoru olan ASTA-ya görə yaranmış çətinlik üzündən hazırda klub, ancaq AFFA-nın ayrıdğı vəsait hesabına ayaq üstə dayanıb.
Vəziyyətin bu həddə çatması isə futbolçuların narazılığına səbəb olub. Xüsusilə legionerlər belə durumla barışmaq istəmirlər. Mənbəmizin sözlərinə görə, əcnəbi futbolçular qış fasiləsində "Mingəçevir"dən ayrılmaq istəyirlər.
Qeyd edək ki, 7 turdan sonra aktivində 13 xal olan komanda turnir cədvəlində 3-cü pillədə qərarlaşıb. "Mingəçevir" lider "Şəfa"dan 6 xal geri qalır.
