Azərbaycanın futbol millisinin Albaniya və Qazaxıstanla keçirəcəyi beynəlxalq yoldaşlıq görüşləri üçün hazırlıq proqramı müəyyənləşib. Sport24.az xəbər verir ki, yığma səfər ərəfəsində Bakıda 5 məşqə çıxacaq.
Məşqlər Bakı Olimpiya Stadionunda gerçəkləşəcək. İyunun 5-də isə komanda Avstriyaya yollanacaq.
Bundan bir gün sonra baş məşqçinin oyunöncəsi mətbuat konfransı və komandanın məşqi baş tutacaq. Millimiz iyunun 7-də Albaniya ilə matça çıxacaq. Ayın 9-10-da yenidən məşqlərə başlayacaq komanda 11-də Qazaxıstanla qarşılaşacaq.
Hər iki görüş Macarıstanda keçiriləcək. Yığma Vətənə iyunun 12-də qayıdacaq.
Qeyd edək ki, Azərbaycan millisinin baş məşqçi vəzifəsini Arif Əsədov icra edir.