İdman.biz
Fernandu Santuş Azərbaycan millisinin tarixinə 7-ci əcnəbi baş məşqçi kimi düşüb.
İdman.biz xəbər verir ki, portuqaliyalı mütəxəssisə qədər yığmamıza 6 legioner çalışdırıcı rəhbərlik edib.
Braziliyalı Karlos Alberto Torres millinin ilk əcnəbisi olub. Ondan sonra almaniyalı Berti Foqts, şimali makedoniyalı Qyoko Hacıyevski, xorvatiyalılar Robert Prosineçki və Nikola Yurçeviç, italiyalı Canni de Byazi yığmaya gətirilib.
Əcnəbilərlə xoşbəxt rəqəm sayılan "7"yə çatan millidəki ümumi çalışdırıcı sayı 19-a yüksəlib. Santuş komandamıza rəhbərlik edəcək 19-cu mütəxəssis olacaq. Onlardan üçü - Nazim Süleymanov, Mahmud Qurbanov və Arif Əsədov komandaya müvəqqəti başçılıq edib.
Vüqar Xeyrullayev
İdman.biz
