Idman.biz
Madrid "Real"ının hücumçusu Kilian Mbappe keçmiş klubu PSJ ilə "Real" arasındakı əsas fərqdən danışıb.
İdman.Biz xəbər verir ki, ulduz futbolçu bu barədə "Movistar" kanalına verdiyi müsahibədə deyib.
Mbappe "Realı" daha üstün komanda kimi xarakterizə edib: "Fərq ondadır ki, "Real" dünyanın ən yaxşı klubudur. Azarkeşlərin təzyiqinə çoxdan öyrəşmişəm. Amma əsas məsələ odur ki, özün-özünə deyirsən: mən dünyanın ən yaxşı klubundayam, qələbə qazanmalıyam, yaxşı oynamalıyam və komanda yoldaşlarıma, həm də azarkeşlərə nümunə olmalıyam".
Qeyd edək ki, fransalı hücumçu PSJ-də 2017–2024-cü illərdə 308 oyuna çıxıb, 256 qol vurub və 110 məhsuldar ötürməsi edib. "Real"ın heyətində isə indiyədək 69 matçda iştirak edən Mbappe 58 qol və 7 məhsuldar ötürmə ilə yadda qalıb.
